ايوة الموضوع ممكن تستغربي منه بس الحقيقة ان الزغزغة لها تاثير
رائع وبيخلق جو مرح جدا فى التعامل مع ابناءك
انا شخصيا لا احبذ اسلوب العقاب بالضرب والاهانة لما له من تاثير
سلبى على نفسية الاطفال وخصوصا البنات
لان البنت بتفهم وبتخاف من انظرة
لكن جربى لما ابنك او بنتك مش يسمعو كلامك زغزغى واجرى وراهم هههههههه
هتشوفى الانسجام التام ويتحول العند الى جو مرح جدا وهتلاقى
استجابة لاوامرك وهتشوفى ضحكة حلوة واثارة بالغة فى عيون الاطفال
وهيستنو منك اى اوامر تانى عشان اللعبة تبدأ ههههههههه
لكن ارجوكى بلاش العصبية والصوت العالى معاهم وبلاش اللعبة دى
فى المطبخ فى كل البيت عادى
احنا بنحتاج حضن ابنائنا اكتر مما يحتاجوا لينا وفعلا لا يوجد اجمل
ولا اطهر ولا احن من قلوب الاطفال
لكن بحذرك لازم تكون الزغزغة باسلوب ناعم وبسيط لا يؤدى
الى تعب او انقطاع انفاس ملائكتنا الصغار
جربى وشوفى الفرق وابقو احكولى عملتو ايه وانسى الضرب نهائى
ومتنسيش تتكلمى باسلوبهم زى البيبى هتلاقيهم عملو نفسهم امهات
ليكى هههههههه تبادل ادوار يعنى
ودمتم سالمين
